Այգեստան գյուղում 71–ամյա քաղաքացին ընկել է փոսը, վիճակը ծանր է

ԵՐԵՎԱՆ, 10 օգոստոսի. /Նովոստի–Արմենիա/. Այսօր` օգոստոսի 10-ին, ժամը 13:29-ին «911» ծառայությանն ահազանգ է ստացվել, որ Արարատի մարզի Այգեստան գյուղի Խանջյան փողոցում քաղաքացին ընկել է արտիզյան ջրի համար փորված փոսը, անհրաժեշտ է փրկարարների օգնությունը։

ՀՀ ԱԻՆ Փրկարար ծառայության հաղորդմամբ, դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

«Փրկարարները դուրս են բերել Ժ. Բ.-ին (ծնված 1947 թ.) փոսից (մոտ 20մ) և մոտեցրել շտապօգնության ավտոմեքենային. տուժածը հոսպիտալացվել է Արտաշատի ԲԿ, այնուհետև տեղափոխվել «Էրեբունի» ԲԿ, որտեղ բժիշկները նրա առողջական վիճակը գնահատել են ծանր», – նշվում է հաղորդագրության մեջ։–0–