Մոսկվայում անվտանգության աշխատակիցը 6 անգամ կրակել է ММA մարտիկի ուղղությամբ

ԵՐԵՎԱՆ, 18 փետրվարի./Նովոստի-Արմենիա/. Հայտնի են դարձել Մոսկվայի կենտրոնում գտնվող Zebra ֆիթնես ակումբի մոտ տեղի ունեցած հրաձգության մանրամասները։


Իրավիճակին ծանոթ աղբյուրի տվյալներով՝ հրաձգության հետևանքով վիրավորվել է MMA-ի 30-ամյա մարտիկ Բաղդատ Դյուսեմբաևը, ով մարզաշխարհում հայտնի է որպես «Ղազախ, հայտնում է REN TV-ն։

«Հրաձգությունից հետո բժիշկները հոսպիտալացրել են 30-ամյա Բաղդատ Դյուսեմբաևին։ Տղամարդը հրազենային վնասվածք է ստացել կրծքավանդակի շրջանում։ Նրան ցուցաբերվում է անհրաժեշտ օգնություն»,- ասել է զրուցակիցը։

Ավելի վաղ հաղորդվել էր, որ Օրջոնիկիձե փողոցում գտնվող ֆիթնես ակումբում անվտանգության աշխատակիցը կրակ է բացել։ Մինչ այդ տեղի է ունեցել վիճաբանություն։ Իրավապահները պարզում են վիճաբանության պատճառը:

Նախնական տվյալներով՝ Դյուսեմբաևը եկել էր մարզական ակումբ՝ աբոնեմենտ գնելու համար։ Նա մեքենան թողել է ավտոկայանատեղիում և սկսել է զբաղվել ակումբի քարտի ձևակերպման հարցերով, բայց անվտանգությունը պահանջել է հեռացնել մեքենան։ Սկսվել է վիճաբանություն, որի ժամանակ անվտանգության աշխատակիցը վեց անգամ կրակել է Դյուսեմբաևի ուղղությամբ։ Միջադեպի բոլոր հանգամանքները պարզվում են:

 Բաղդատ Դյուսեմբաևը հանդես է գալիս սիրողական MMA-ում: Նրա հիմնական սպորտաձևը ազատ ոճի ըմբշամարտն է։ «Ղազախը» յոթ մենամարտ է անցկացրել՝ կրելով երկու հաղթանակ, չորս պարտություն և մեկ ոչ-ոքի:-0-