Առավոտյան 6-ի սահմաններում փորձել է նետվել Դավթաշենի կամրջից. Երևանում մոտ 40 տարեկան քաղաքացու ինքնասպանություն է կանխվել

ԵՐԵՎԱՆ, 3 հունվար./Նովոստի-Արմենիա/. Հունվարի 3-ին, ժամը 05։50-ին Ճգնաժամային կառավարման ազգային կենտրոն ահազանգ է ստացվել, որ քաղաքացին փորձում է ինքնասպան լինել՝ նետվելով Երևանի Դավթաշենի կամրջից, հաղորդում է ՀՀ ԱԻՆ Փրկարար ծառայությունը։


«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Հոգեբանական աջակցության բաժնի հերթապահ հոգեբանը», - նշվում է գերատեսչության հաղորդագրության մեջ։

Փրկարարները հոգեբանի հետ համատեղ ուժերով կանխել են Գ․ Վ․-ի (մոտ 40 տարեկան) ինքնասպանության փորձը․ վերջինս տեղափոխվել է ոստիկանության Մաշտոցի բաժին:-0-