Ողբերգական վրաերթ Երևանում. 29-ամյա վարորդը վրաերթի է ենթարկել փողոցը չթույլատրելի հատվածով անցնող 55-ամյա կնոջ

ԵՐԵՎԱՆ, 3 հունվարի./Նովոստի-Արմենիա/. Նախօրեին` հունվարի 2-ին, մահվան ելքով վրաերթ է տեղի ունեցել Երևանում։

Shamshyan.com-ի հաղորդմամբ, ժամը 18։30-ի սահմաններում Երևանի բնակիչ 29-ամյա Կարեն Ղ-ն իր վարած Dodge մակնիշի ավտոմեքենայով վրաերթի է ենթարկել փողոցը չթույլատրելի հատվածով անցնող հետիոտն, Երևանի բնակիչ 55-ամյա Մարինե Ս․-ին:

Վարորդը փախուստի չի դիմել, զանգահարել է շտապօգնություն։

Օպերատիվորեն ժամանած բժիշկների հերթապահ խումբը տեղում արձանագրել է հետիոտնի մահը։

Մահվան ելքով վրաերթի փաստով նախաձեռնվել է քրեական վարույթ։ Վարորդը տեղում ենթարկվել է սթափության փորձաքննության, նա եղել է սթափ։-0-