Ագարակի մաքսատան մոտ 20 տոննա դիզվառելիքի բաք է պայթել, 45–ամյա քաղաքացի է մահացել
13.04.2021,
18:40
Ագարակի մաքսատան մոտ 20 տոննա դիզվառելիքի բաք է պայթել, 45–ամյա քաղաքացի է մահացել
ԵՐԵՎԱՆ, 13 ապրիլի./Նովոստի–Արմենիա/. Այսօր պայթյուն է տեղի ունեցել Ագարակի մաքսատան մոտակայքում։
ՀՀ ԱԻՆ Փրկարար ծառայության հաղորդմամբ, ժամը 16:07-ին Սյունիքի մարզային ճգնաժամային կառավարման կենտրոն ահազանգ է ստացվել, որ Ագարակի մաքսատան մոտակայքում հրդեհ է բռնկվել:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ զոդման աշխատանքների ժամանակ տեղի է ունեցել 20 տոննա դիզելային վառելիքի բաքի (դատարկ) պայթյուն՝ հրդեհի բռնկումով․ քաղաքացի Գ․ Ա․-ն (ծնված 1976 թ․) տեղի ուժերով տեղափոխվել է Մեղրիի ԲԿ, որտեղ մահացել է», – նշվում է գերատեսչության հաղորդագրության մեջ։
Հրդեհը մեկուսացվել է ժամը 16:23-ին, մարվել՝ 16:38-ին։ Բաքում այրվել է կուտակված գազ։–0–
Պատճենել հղումը
