ԵՐԵՎԱՆ, 11 հոկտեմբերի./Նովոստի–Արմենիա/. Երեկ՝ հոկտեմբերի 10-ին, շղթայական ավտովթար և մահվան ելքով վրաերթ է տեղի ունեցել Կոտայքի մարզում։
Shamshyan.com–ի հաղորդմամբ, ժամը 19։30-ի սահմաններում Եղվարդ-Զորավան ավտոճանապարհին բախվել են Եղվարդ քաղաքի բնակիչներ 41-ամյա Վ. Վարդանյանի վարած ՎԱԶ 2106 մակնիշի և 33-ամյա Հ. Աբրահամյանի վարած ՎԱԶ 2107 մակնիշի ավտոմեքենաները։
Վթարի հետևանքով, բարեբախտաբար, տուժածներ չեն եղել։ Ու մինչ վարորդները սպասում էին ապահովագրական ընկերությունների գործակալների ժամանմանը, ժամը 19։45-ի սահմաններում Եղվարդ քաղաքի բնակիչ 67-ամյա Գ. Վարդանյանը իր վարած ԳԱԶ 24 մակնիշի ավտոմեքենայով վրաերթի է ենթարկել Բուժական գյուղի բնակիչ 31-ամյա Մ. Սողոմոնյանին, Եղվարդ քաղաքի բնակիչներ 40-ամյա Մ. Պապյանին և 33-ամյա Հ. Աբրահամյանին, ովքեր եղել են վթարի վայրում, ապա բախվել Զորավան գյուղի բնակիչ 40-ամյա Ա. Այվազյանի վարած Opel մակնիշի ավտոմեքենային:
Վրաերթի ենթարկվածներից Մ․ Պապյանն ու Հ․ Աբրահամյանը մարմնական վնասվածքներով տեղափոխվել են «Աստղիկ» բժշկական կենտրոն, իսկ Մ․ Սողոմոնյանը «Արմենիա» բժշկական կենտրոն։
Կայքի տեղեկություններով՝ երեկ ժամը 23։30-ին, «Արմենիա» բժշկական կենտրոնից ոստիականության Նաիրիի բաժին հայտնել են, որ իրենց մոտ տեղափոխված Մ․ Սողոմոնյանը, գիտակցության չգալով, մահացել է։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում