Օբաման խնդրել է կոնգրեսին օտարերկրացիներին հնարավորություն ընձեռել ԱՄՆ քաղաքացիություն «վաստակել»

ԱՄՆ նախագահ Բարաք Օբաման կոչ է արել կոնգրեսին մշակել օրինագիծ, որը թույլ կտա Միացյալ Նահանգներին օգուտ բերող օտարերկրացիներին «վաստակել» ԱՄՆ քաղաքացիությունը, հաղորդում է «ՌԻԱ Նովոստին»:

«Ես նախկինի պես համոզված եմ, որ մենք պետք է պայքարենք անօրինական ներգաղթի դեմ: Եվ դա է պատճառը, որ իմ վարչակազմը սահմանների պահպանությանն ուղղված ավելի շատ միջոցներ է ձեռնարկել, քան նախկինում: Դա է պատճառը, որ այժմ սահմանի անօրինական հատման դեպքերն ավելի քիչ են, քան երբ ես ստանձնեցի նախագահի պաշտոնը», - նշել է Օբաման կոնգրեսին ուղղված իր ուղերձում:

ԱՄՆ նախագահի կարծիքով՝ եկել է համապարփակ իմիգրացիոն բարեփոխման ժամանակը:

«Սակայն եթե ընտրությունների տարին թույլ չի տալիս կոնգրեսին մշակել համապարփակ ծրագիրը, ապա եկեք գոնե պայմանավորվենք դադարեցնել երկրից պատասխանատու երիտասարդներին արտաքսելու գործընթացը, ովքեր ցանկանում են աշխատել մեր լաբորատորիաներում, սկսել նոր բիզնես կամ պաշտպանել այս երկիրը: Տվեք ինձ օրենք, որը նրանց հնարավորություն կտա վաստակելու քաղաքացիություն: Եվ ես այն անհապաղ կստորագրեմ», - նշել է Օբաման:-0-