ԵՐԵՎԱՆ, 17 հունվարի. /ՌԻԱ Նովոստի-Արմենիա/. Ուկրաինայի ԱԳՆ-ն փորձում է բացահայտել Հարավային Սուդանում ուկրաինացի քաղաքացու՝ Ан-32 ինքնաթիռի անձնակազմի անդամի ձերբակալման պատճառները, երեքշաբթի ճեպազրույցի ժամանակ լրագրողներին է հայտնել ԱԳն մամուլի քարտուղար Ալեքսանդր Դիկուսարովը:
«Մենք կարող ենք հաստատել, որ տվյալ ինքնաթիռի անձնակազմը դեռ դեկտեմբերի 28-ին էր ձերբակալվել: Անձնակազմի կազմում Ուկրաինայի մեկ քաղաքացի կա»,- ասել է Դիկուսարովը, հաղորդում է «ՌԻԱ Նովոստին»:
Ըստ նրա՝ ինքնաթիռն առգրավվել է Սարջաս քաղաքի օդանավակայանում և պատկանում է «Պարկ Էյր» սուդանական ընկերությանը: Ан-32 ինքնաթիռըն իրականացնում է Խարտում – Սարջաս - Էլ Ֆելուջա – Էլ Օբեյդ - Խարտում ուղղությամբ չվերթը՝ Ջոնգլեյ և Վերին Նեղոս (Հարավային Սուդան) նահանգներում նավթային հանքավայրերի մշակում իրականացնող «Ուայթ Նայլ Պետրոլեում» սուդանական ընկերության շահերից ելնելով:
«Առգրավման պատճառը մեզ դեռ հայտնի չէ: Մանրամասները մենք ճշտում ենք»,- ավելացրել է Դիկուսարովը: Նա տեղեկացրել է նաև, որ օդանավի անձնակազմը տվյալ պահին գտնվում է Սարջաս քաղաքի օդանավակայանին կից ռազմական ճամբարներից մեկում:
«Մեզ հայտնի է, որ այնտեղ նրանց (անձնակազմի անդամների) ժամանման համար նախատեսված նորմալ պայմաններ կան և նրանք սահմանափակված չեն տվյալ ճամբարի տարածքով տեղաշարժվելու մեջ»,- ասել է մամուլի քարտուղարը:
Ըստ ՌԴ ԱԳՆ տվյալների՝ բեռնման աշխատանքները սկսվելուց անմիջապես հետո, Սարջասի օդանավակայանում Ан-32 ինքնաթիռի անձնակազմը, որի կազմում բացի ՌԴ քաղաքացիներից ընդգրկված են նաև Ուկրաինայի, Ուզբեկստանի, Հայաստանի և Սուդանի քաղաքացիներ, առգրավվել է տեղի հատուկ ծառայությունների ներկայացուցիչների կողմից և ուղեկցվել է օդանավակայանից 3 կմ հեռավորության վրա գտնվող ռազմական ճամբար, որտեղ անձնակազմի անդամները գտնվում են մինչ օրս: Առգրավման պատճառների մասին պաշտոնական պարզաբանումներ չի տրվել: -0-
