Անցնող տարում աշխարհում զինված հակամարտությունների զոհ է դարձել 106 լրագրող. զեկույց

Անցնող տարում ողջ աշխարհում զինված հակամարտությունների զոհ է դարձել 106 լրագրող. Նրանց մեկ հինգերորդ մասը զոհվել է արաբական աշխարհում տեղի ունեցած հեղաշրջումների ժամանակ, ասվում է Լրագրողների իրավունքների պաշտպանության շվեյցարական ոչ կառավարական կազմակերպության՝ Presse embleme campagne (PEC)-ի հրապարակած զեկույցում:

Ինչպես նշում է ՌԻԱ Նովոստին, ընթացիկ տարում զոհված լրագրողների թիվը շատ քիչ է տարբերվում 2010 թվականի ցուցանիշից. Այն ժամանակ մահացել էր 105 լրագրող: Կազմակերպության գլխավոր քարտուղար Բլեզա Լամպանի խոսքով՝ լրագրողների անվտանգության ոլորտում իրավիճակը չի փոխվել հիմնականում  այսպես կոչված «արաբական գարնան»՝ արաբական երկրներում ընթացող բանակցությունների պատճառով:

Լրագրողների համար ամենավտանգավոր պետություններն են շարունակում մնալ Մեքսիկան (12 զոհ) և Պակիստանը (11 զոհ): Լատինաամերիկյան պետություններում լրագրողները կառավարությունների և նարկոկարտելների պատերազմի զոհ են դառնում: Պակիստանում  լրագրողներից մեծ մասը մահացել է Աֆղանստանի սահմանի մոտ, որտեղ գործում են «Թալիբան» շարժման անդամները:
Երրորդ տեղում են Իրաքն ու Լիբիան (7-ական զոհ):
Ռուսաստանում մահացել է երեք լրագրող:

Զոհված լրագրողների թիվը մեծ է եղել 2009 թվականին (122): Այդօրինակ մեծ թիվը պայմանավորված էր Ֆիլիպիններում 32 լրագրողների զանգվածային սպանությամբ: 2008 թվականին մահացել է 91 լրագրող, 2007-ին՝ 115:---0-