New York Times Company-ի ղեկավար Ջանեթ Ռոբինսոնը մինչև տարեվերջ կհեռանա պաշտոնից

New York Times Company ամերիկյան մեդիա ընկերության գլխավոր-գործադիր տնօրեն Ջանեթ Ռոբինսոնը մինչև դեկտեմբերի վերջ մտադիր է հեռանալ պաշտոնից, նրա պաշտոնը ժամանակավորապես կզբաղեցնի ընկերության տնօրենների խորհրդի նախագահ Արթուր Զուլցբերգերը, հաղորդում է NYT Company կայքը:

«Խառը զգացմունքներով տեղեկացնում եմ, որ հեռանում եմ New York Times Company-ից», - գրել է 61-ամյա Ռոբինսոնը ընկերության բոլոր աշխատակիցներին ուղղված իր հրաժեշտի էլեկտրոնային նամակում՝ չնշելով նման որոշման պատճառները, հաղորդում է ՌԻԱ Նովոստին:

Ռոբինսոնը, ով New York Times Company-ում է աշխատում արդեն 28 տարի, զբաղեցրել է ընկերության ամենաբարձր ղեկավար պաշտոնը 2004թ.-ից և, Զուլցբերգերի խոսքով, New York Times-ն «ազդային թերթ» է դարձրել:

«Ջանեթի խիզախությունն ու հեռատեսությունը օգնեցին ստեղծել և հաջողությամբ ղեկավարել մեր ազգային թերթը», - ասել է Զուլցբերգերը:

Ինչպես նշվում է տեղեկատվության մեջ, Ռոբինսոնը դեռ մեկ տարի էլ որպես խորհրդական կաշխատի NYT Company-ում, որը, բացի New York Times-ից, թողարկում է նաև Boston Globe-ն ու International Herald Tribune-ը:-0