Euro Millions վիճակահանության ժամանակ Նորմանդիայի բնակիչը 162 մլն եվրո է շահել՝ գերազանցելով Ֆրանսիայի ռեկորդը

Երեքշաբթի Նորմանդիայի բնակիչը գերազանցել է Euro Millions եվրոպական վիճակահանության շահումների  Ֆրանսիայի ռեկորդը՝ շահելով ավելի քան 162 մլն եվրո, չորեքշաբթի հաղորդում է Ֆրանս Պրեսը՝ հղում անելով Francaise des Jeux (FDJ) ասոցիացիային, որը զբաղվում է խոշոր շահումների վճարումներով:

Մինչև չորեքշաբթի առավոտյան հաղթողն այդպես էլ չի երևացել: Շահումը ստանալու համար նա պետք է 60 օրվա ընթացքում ներկայացնի FDJ իր երջանիկ տոմսը: Նրան բանկային հաշիվ կտան, որի գումարը երաշխավորվում է հաշվին փոխանցել որքան հնարավոր է շուտ, նշում է «ՌԻԱ Նովոստին»:

Ինչպես նշել է FDJ ներկայացուցիչ Բրիջիթ Ռոթը (Brigitte Roth), նորմանդացին այժմ զբաղեցնում է 250-րդ տեղը Ֆրանսիայի ամենահարուստ մարդկանց ցուցակում:

Նախորդ ֆրանսիական ռեկորդը սահմանվել է 2009թ.-ի նոյեմբերին, երբ տասնհինգ խաղացողներ շահել և իրենց մեջ են բաժանել 100 մլն եվրոն:

Euro Millions-ի բացարձակ ռեկորդը պատկանում է շոտլանդացի ամուսիններին, ովքեր այս տարվա հուլիսին շահել են 185 մլն եվրո:

Euromillions վիճակախաղն անցկացվում է Եվրոպայի ինը երկրներում՝ Ավստրիայում, Բելգիայում, Մեծ Բրիտանիայում, Իռլանդիայում, Իսպանիայում, Լյուքսեմբուրգում, Պորտուգալիայում, Ֆրանսիայում և Շվեյցարիայում:--0—