+13
Եղանակը Երևանում
Հայ

Քադաֆին տեսաուղերձում Լիբիայից հեռանալու մասին տեղեկատվությունը հոգեբանական պատերազմ և սուտ է անվանել

11:23
08 Սեպտեմբերի 2011

Լիբիայի առաջնորդ Մուամար Քադաֆին իր կողմնակիցներին ուղղված հերթական տեսաուղերձում երկրից հեռանալու մասին տեղեկատվությունը համարել է «հոգեբանական պատերազմ և սուտ» և իրեն հավատարիմ ուժերին պայքարը շարունակելու կոչ է արել, հինգշաբթի հաղորդում է Ֆրանս Փրես գործակալությունը:

Տեսաուղերձը հեռարձակել է Arrai սիրիական հեռուստաալիքը: Քադաֆին կոչ է արել իրեն հավատարիմ լիբիացիներին չզիջել «թույլ և ստոր թշնամիներին» ովքեր, նրա խոսքերով, ցանկանում են թուլացնել իր կողմնակիցների բարոյական ոգին:

«Նրանք այլևս ոչինչ չեն կարողանում անել բացի հոգեբանական պատերազմից և ստից: Վերջին անգամ նրանք ասել էին, թե Քադաֆիին տեսել են Նիգեր ուղևորվող պահակախմբի կազմում», - հայտարարել է գնդապետը:

Նրա խոսքով՝ ամեն օր Սուդանի, Չադի, Մալիի և Ալժիրի հետ Լիբիայի սահմանը հատում են հազարավոր ուղեկցորդ պահակախմբեր, որոնք մաքսանենգների և առևտրականների են տեղափոխում: Ինչպես հայտարարել է Քադաֆին, այդ պահակախմբերից մեկն ուղևորվում էր Նիգեր, ինչի մասին տեղեկացրել են արևմտյան ԶԼՄ-ները:

Նա համոզմունք է հայտնել, որ ՆԱՏՕ-ն «կջախջախվի», քանի որ դաշինքի «լոգիստիկ հնարավորությունները» թույլ չեն տա նրան շարունակել ռազմական միջամտությունը:
«Տրիպոլիում և մյուս քաղաքներում մենք պատրաստ ենք ուժեղացնել հարվածները առնետների, վարձկանների, շների ոհմակի դեմ», - հայտարարել է Քադաֆին՝ հերթական անգամ կոչ անելով կողմնակիցներին մինչև վերջ պայքարել «ապստամբների» դեմ:

Երեքշաբթի ֆրանսիական զինվորական աղբյուրները տեղեկացրել էին, որ Լիբիայի և Նիգերի սահմանը հատել են շուրջ 200 ռազմական մեքենաներ: Աղբյուրները նաև տեղեկացրեցին, որ այդ պահակախմբին կարող էին միանալ Մուամար Քադաֆին և նրա որդի Սեյֆ ալ-Իսլամը: Այսպիսով, գնդապետն ու նրա որդին կարող էին հայտնվել Նիգերի սահմանի վրա գտնվող Բուրկինա-Ֆասոյում, որի իշխանությունները բազմաթիվ անգամ ապաստան են առաջարկել  Լիբիայի առաջնորդին և նրա ընտանիքին:
Փետրվարի կեսին Լիբիայում զանգվածային ցույցեր սկսվեցին՝ Քադաֆիի հրաժարականի պահանջով, որոնք վերաճեցին զինված դիմադրության կառավարական ուժերի և խռովարարների միջև: Այս դիմադրության զոհերի թիվը հասնում է հազարների: Լիբիայի արևելքում գտնվող Բենգազի քաղաքում փետրվարի 27-ին ապստամբներն Անցումային ազգային խորհուրդ (ԱԱԽ) ձևավորեցին, որը հայտարարեց երկրում իշխանության միակ լեգիտիմ մարմինը:

ՄԱԿ-ի ԱԽ-ն մարտի 17-ին անթռիչք գոտի է մտցրել Լիբիայում։ Անթռիչք գոտու ապահովման, զենքի մատակարարման արգելքի և քաղաքացիական բնակչության պաշտպանության համար արևմտյան երկրների կոալիցիան մարտի 19-ին հերթական ռազմական օպերացիան է սկսել Լիբիայում, որի ղեկավարությունը մի քանի օր անց ամբողջությամբ անցել է ՆԱՏՕ-ին։ Օպերացիայի մանդատը լրանում էր հունիսի 27-ին, բայց ՆԱՏՕ-ն երկարացրել է օպերացիան 90 օրով՝ մինչև սեպտեմբերի վերջ։

Օգոստոսի 22-ին ապստամբ ջոկատները զբաղեցրել են Լիբիայի մայրաքաղաք Տրիպոլիի մեծ մասը: Հաջորդ օրը ապստամբների ուժերն իրենց վերահսկողության տակ են առել կառավարական զորքերի վերջին կետը՝ Բաբ ալ Ազիզիա թաղամասը, որտեղ գտնվում է Մուամար Քադաֆիի նստավայրը:
Այս ամենից հետո Ժամանակավոր անցումային խորհուրդը (ԺԱԽ) հայտարարեց նախկին ռեժիմի նկատմամբ իր վերջնական հաղթանակի մասին:
Սեպտեմբերի 1-ին Ռուսաստանը պաշտոնապես ճանաչեց Լիբիայի ԺԱԽ-ին՝ որպես գործող իշխանություն:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:50
11 Մայիսի 2022
«Ի՞նչ, որտե՞ղ, ե՞րբ»–ի ադրբեջանցի գիտակ Ռովշան Ասկերովի նկատմամբ հետախուզում է հայտարարվել
«Ի՞նչ, որտե՞ղ, ե՞րբ»–ի ադրբեջանցի գիտակ Ռովշան Ասկերովի նկատմամբ հետախուզում է հայտարարվել
12:38
06 Մայիսի 2022
Nespresso–ի ֆաբրիկայում, սուրճի փաթեթիկներում, կես տոննա կոկաին է հայտնաբերվել
Nespresso–ի ֆաբրիկայում, սուրճի փաթեթիկներում, կես տոննա կոկաին է հայտնաբերվել
11:19
24 Ապրիլի 2022
Չավուշօղլուն «Գորշ գայլերի» ժեստն է ցույց տվել Ուրուգվայում հայկական ակցիայի մասնակիցներին, տեղի իշխանությունները վրդովվել են (ՎԻԴԵՈ)
Ինչպես է Չավուշօղլուն ցույց տալիս «Գորշ գայլերի» ժեստնն Ուրուգվայում հայկական ակցիայի մասնակիցներին. ՎԻԴԵՈ
14:24
12 Ապրիլի 2022
Պուտին. Ռուսաստանը չի պատրաստվում մեկուսանալ, և նրան անհնար է մեկուսացնել
Պուտինը հայտարարել է, որ Ռուսաստանը չի պատրաստվում մեկուսանալ, և նրան անհնար է մեկուսացնել
22:39
07 Ապրիլի 2022
ՄԱԿ-ի ԳՎ-ն կասեցրեց ՌԴ-ի մասնակցությունը ՄԱԿ-ի մարդու իրավունքների խորհրդում
Կասեցվեց ՌԴ-ի մասնակցությունը ՄԱԿ-ի մարդու իրավունքների խորհրդում
14:08
11 Մարտի 2022
Մահացել է խոզի մոդիֆիկացված սրտով առաջին պացիենտը
Մահացել է խոզի մոդիֆիկացված սրտով առաջին պացիենտը
17:40
05 Մարտի 2022
«Աերոֆլոտը» փակում է բոլոր միջազգային չվերթերը, բայց կա բացառություն
«Աերոֆլոտը» փակում է բոլոր միջազգային չվերթերը, բայց կա բացառություն
22:32
04 Մարտի 2022
ՌԴ-ում Facebook-ն արգելափակվեց
Ռուսաստանում Facebook-ն արգելափակվեց
14:53
04 Մարտի 2022
S7 ավիաընկերությունը չեղարկել է բոլոր միջազգային չվերթերը
S7 ավիաընկերությունը չեղարկել է բոլոր միջազգային չվերթերը
11:05
25 Փետրվարի 2022
«Մենք մնացել ենք մենակ մեր պետության պաշտպանության գործում». Ուկրաինայի նախագահ (ՎԻԴԵՈ)
Զելենսկին հայտարարել է, որ իրենք մնացել են մենակ իրենց պետության պաշտպանության գործում. ՎԻԴԵՈ
22:25
24 Փետրվարի 2022
Ուկրաինայում հաստատել են, որ Չեռնոբիլի ԱԷԿ-ն անցել է ռուսական զորքերի վերահսկողության տակ
Ուկրաինայում հաստատել են, որ Չեռնոբիլի ԱԷԿ-ն անցել է ռուսական զորքերի վերահսկողության տակ
20:45
18 Փետրվարի 2022
Դոնեցկի ժողովրդական հանրապետության իշխանությունները կազմակերպում են բնակչության արտակարգ տարհանում Ռուսաստան
Դոնեցկի ժողովրդական հանրապետության իշխանությունները կազմակերպում են բնակչության արտակարգ տարհանում Ռուսաստան