Լեհական Վրոցլավում ավելի քան 400 մարդ է տարհանվել տրամվայի կանգառում հայտնաբերված փաթեթի պատճառով

Վրոցլավ լեհական քաղաքի կենտրոնում շուրջ 450 մարդ է տարհանվել այն բանից հետո, երբ տրամվայի կանգառում կասկածելի փաթեթ է հայտնաբերվել, որը նման է եղել ռումբի, հաղորդում է «ՌԻԱ Նովոստին»` հղում անելով տեղական ԶԼՄ-ներին:

Տեղում աշխատում են ականազերծողները, ոստիկանությունը և հրշեջ ծառայությունը:

Փաթեթը ռումբ է հիշեցնում, քանի որ վրաn սնուցման բլոկ և էկրան կա, որի վրա ժամացույց է երևում:

Այն բանից հետո, երբ իրավապահ մարմինները տեղում կուսումնասիրեն անհայտ առարկան, որոշում կկայացվի այն տեղում կամ մեկ այլ վայրում ոչնչացնելու մասին: Փաթեթը հայտնաբերել է քաղաքի բնակիչներից մեկը: -0-