Մեծ Բրիտանիայի պաշտպանության նախարարությունը բյուջեի տնտեսման նպատակով կրճատում է ևս 7 հազար աշխատակցի. թերթ

ԵՐԵՎԱՆ, 29 հուլիսի. /Նովոստի-Արմենիա/. Մեծ Բրիտանիայի պաշտպանության նախարարությունը երկրի բյուջետային դեֆիցիտի կրճատման դեմ պայքարի շրջանակներում մտադիր է կրճատել յոթ հազար աշխատակցի՝ ի հավելումն մի քանի հազար մարդու կրճատման վերաբերյալ արդեն գոյություն ունեցող ծրագրերի, ուրբաթ հաղորդում է Guardian թերթը:

2010 թ.-ի հոկտեմբերին Մեծ Բրիտանիայի կառավարությունը հայտարարել էր ծախսերի կրճատման մասշտաբային ծրագրի մասին՝ երկրի համար ռեկորդային պետական պարտքի կրճատման նպատակով: Այդ ծրագրում ընդգրկվեցին բոլոր նախարարություններն ու գերատեսչությունները: Պաշտպանության նախարարությունը վերանայել է իր քաղաքականությունն ու ծրագրեր է մշակել, ըստ որոնց՝ 2015 թ.-ին ինքնակամ կամ ստիպողաբար պետք է ազատվեն 25 հազար մարդ, հաղորդում է «ՌԻԱ Նովոստին»:

Guardian-ը մի նամակ է ստացել, որը հասցեագրված է նախարարության բոլոր քաղաքացիական աշխատակիցներին, որտեղ ներկայացված են աշխատանքից ազատման հետ կապված հետագա ծրագրերը: Եվս յոթ հազար մարդ կկրճատվի 2020 թ.-ին, այսպիսով նախարարության հաստիքը 9 տարի անց պետք է կրճատվի նվազագույնը 52 հազար աշխատակցով:

Խոսքը գերատեսչության աշխատակիցների մասին է, այլ ոչ թե ճակատում գտնվող զինծառայողների: Նամակում նշվում է, որ նման միջոցառումների արդյունքում «շատ հարցեր կծագեն, որոնք դեռևս պատասխաններ չունեն»: Բրիտանիայի արհմիություններն արդեն իրենց մտահոգություն են հայտնել սպասվող կրճատումների կապակցությամբ:-0-