Ուհանում փակվել են գրեթե բոլոր կորոնավիրուսային հիվանդանոցները

ԵՐԵՎԱՆ, 16 օգոստոսի./Նովոստի-Արմենիա/. Չինական Ուհան քաղաքը, որի բժիշկներն աշխարհում առաջիններից էին, ովքեր բախվեցին դեռևս անհայտ COVID-19-ը անվամբ հիվանդությանը, փակում է կորոնավիրուսային պացիենտների համար իր բոլոր հիվանդանոցները:

Պատճառը պարզ է՝ կորոնավիրուսով հիվանդների բուժման համար նման շատ քանակի հիվանդանոցների կարիք չկա այլևս, կրճատվել է վարակակիրների թիվը:

Իշխանությունները թողել են միայն չորս պրոֆիլային հիվանդանոց, որոնք աշխատելու են մինչև 2021թ.-ի մարտը, հաղորդում է « Комсомольская правда»-ն:

«Ուհանը ծրագիր է թողարկել անկանխատեսելի հանգամանքների դեպքում, համաձայն որի կպահեստավորվի 13 հազար հիվանդանոցային պատգարակներ»,- հաղորդում են տեղական իշխանությունները:

Չինաստանը պատրաստվում է դառնալ 2-րդ երկիրը, որը կգրանցի կորոնավիրուսի դեմ պատվաստանյութը: Բժշկական ապրանքների ազգային ասոցիացիան պատվաստանյութի մշակման գործընթացի արագացման համար կարող է փոփոխություններ սահմանել կլինիկական փորձարկումների ծրագրում՝ եթե պատվաստանյութը հասնի անվտանգության ընդունելի մակարդակի. Այն կստանա հավանության իրավունք: Իսկ փորձարկումը կշարունակվի գրանցումից հետո: -0-