Թրամփը հայտարարել է, որ Իրանը պետք է գնա միջուկային ծրագրի հարցով գործարքին
ԵՐԵՎԱՆ, 13 հունիսի․/Նովոստի–Արմենիա/․ ԱՄՆ նախագահ Դոնալդ Թրամփը հայտարարել է, որ Իրանին զգուշացրել է հետևանքների մասին, եթե չհամաձայնվի միջուկային ծրագրի հարցով գործարքին։
«Արդեն շատ մահեր և ավերածություններ են եղել, բայց դեռ ժամանակ կա այս կոտորածին վերջ տալու, քանի որ հաջորդ պլանավորված հարձակումները կլինեն ավելի դաժան», - գրել է նա Truth Social սոցցանցում։
Հունիսի 13-ի գիշերը Իսրայելը հարձակվել է Իրանի վրա, ինչի հետևանքով վնասվել են ռազմական օբյեկտներ և միջուկային ծրագրերի օբյեկտներ Իրանի տարբեր շրջաններում։ Հաղորդվել է Թեհրանում բնակելի շենքերի վրա հարվածների մասին։
ԶԼՄ-ների հաղորդագրությունների համաձայն, սպանվել են Իրանի զինված ուժերի գլխավոր շտաբի պետ Մոհամմադ Բաղերին, ԻՀՊԿ հրամանատար, գեներալ-մայոր Հոսեյն Սալամին, առնվազն վեց առաջատար իրանցի միջուկային ֆիզիկոսներ։ Հարձակմանն ի պատասխան՝ Իրանի գերագույն առաջնորդ այաթոլլա Ալի Խամենեին հայտարարել է, որ Իսրայելը կբախվի «խիստ պատժի» հետ։
