Թաթարստանում դեռահասն «Ալլահ աքբար» գոռալով հարձակվել է ոստիկանների վրա, նա սպանվել է

ԵՐԵՎԱՆ, 30 հոկտեմբերի./Նովոստի–Արմենիա/. Թաթարստանում դեռահասը հարձակվել է ՆԳՆ բաժնի վրա։

Հարձակվողը զինված է եղել դանակով, նա սպանվել է ոստիկանների կողմից, հաղորդում է Ինտերֆաքսը։

Ինչպես հաղորդում է Քննչական կոմիտեի մամուլի ծառայությունը, հարուցվել է քրեական գործ «ահաբեկչության փորձ» հոդվածի հատկանիշներով:

Ըստ ՔԿ-ի տվյալների՝ հոկտեմբերի 30-ի գիշերը Կուկմոր քաղաքում 16-ամյա դեռահասը փորձել է հրկիզել շրջանի ոստիկանության բաժանմունքի շենքը:

Դրանից հետո նա դանակով հարվածներ է հասցրել ոստիկանության աշխատակցին: Մեկ այլ ոստիկան, օդ նախազգուշական կրակոցներից հետո, ստիպված է եղել կրակ բացել նրա ուղղությամբ: Վնասվածքների արդյունքում հարձակվողը մահացել է մինչ բժիշկների ժամանումը:

Թաթարստանի Հանրապետության ՆԳՆ մամուլի ծառայությունը հաստատել է, որ հարձակվողը ակտիվ դիմադրություն է ցույց տվել և դանակի մի քանի հարված է հասցրել ոստիկանության աշխատակիցներից մեկին: Կտրած-ծակած վնասվածքով ոստիկանը հոսպիտալացվել է, նրա կյանքին վտանգ չի սպառնում:

Ըստ «Ինտերֆաքսի» իրազեկ աղբյուրի, Բաշկիրիայից երիտասարդը, որը բնակվում է Կուկմորում, գրանցվել է ոստիկանությունում` որպես ծայրահեղական:

«Ոստիկանության վրա հարձակման ժամանակ, նա անվանել է նրանց «անհավատներ» և բղավել է «Ալլահու աքբար»», - ասել է զրուցակիցը գործակալությունը:

Թաթարստանի Հանրապետության ներքին գործերի նախարարության մամուլի ծառայությունից հաստատել են, որ 2004 թ. ծնված հարձակվողը ակտիվորեն դիմադրել է և ոստիկաններից մեկին դանակով մի քանի վնասվածք է հասցրել։

Ըստ ՆԳՆ-ի, դեպքի վայր է ժամանել Թաթարստանի Հանրապետության ներքին գործերի նախարար, ոստիկանության գեներալ-լեյտենանտ Արտյոմ Խոխորինը: -0-