ԵՐԵՎԱՆ, 16 հոկտեմբերի./Նովոստի-Արմենիա/. Ռուսաստանի նախագահ Վլադիմիր Պուտնը Ռուսաստանի Անվտանգության խորհրդի մշտական անդամների հետ քննարկել է Լեռնային Ղարաբաղում ընթացիկ դրությունը, ինչպես նաև ՌԴ-ի և ԱՄՆ-ի միջև հարաբերությունները՝ Ռազմավարական հարձակողական զենքի կրճատման շուրջ պայմանագրի խնդրով, հաղորդում է ՏԱՍՍ-ը՝ հղում անելով ՌԴ նախագահի մամուլի քարտուղար Դմիտրի Պեսկովին:
«Խորհրդակցության մասնակիցները մտքեր են փոխանակել Լեռնային Ղարաբաղի հակամարտության ընթացիկ իրադրության շուրջ»,- նշել է Կրեմլի ներկայացուցիչը:
Միջոցառմանը մասնակցել է նաև ՌԴ վարչապետ Միխայիլ Միշուստինը, Դաշնության Խորհրդի խոսնակ Վալենտինա Մատվիենկոն, Անվտանգության խորհրդի ղեկավարի տեղակալ Դմիտրի Մեդվեդևը, ՌԴ Անվտանգության խորհրդի քարտուղար Նիկոլայ Պատրուշևը, Կրեմլի վարչակազմի ղեկավար Անտոն Վայնոն, Արտաքին գործերի նախարար Սերգեյ Լավրովը, ՆԳ նախարար Վլադիմիր Կոլոկոլցևը, ԱԴԾ-ի տնօրեն Ալեքսանդր Բորտնիկովը և Ռուսաստանի արտաքին հետախուզության ծառայության (ԱՀԾ) ղեկավար Սերգեյ Նարիշկինը:-0-