Պուտինը շնորհավորել է Փաշինյանին և մի շարք այլ պետությունների ղեկավարներին Հայրենական մեծ պատերազմում տարած հաղթանակի 80-ամյակի կապակցությամբ
ԵՐԵՎԱՆ, 8 մայիսի․/Նովոստի–Արմենիա/․ Հայրենական մեծ պատերազմում տարած հաղթանակի 80-ամյակի կապակցությամբ Ռուսաստանի նախագահ Վլադիմիր Պուտինի շնորհավորական ուղերձներ է հղել Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի, Իսրայելի, ինչպես նաև Վրաստանի և Մոլդովայի ժողովուրդների ղեկավարներին, նշվում է Կրեմլի կայքում։
Ռուսաստանի նախագահն ընդգծել է, որ մեր երկրները սրբորեն հարգում են մեր հայրերի և պապերի փառահեղ սխրագործությունների և մեծ զոհողությունների հիշատակը, ովքեր քաջաբար ուս-ուսի պայքարել են նացիստական զավթիչների դեմ և անձնուրաց աշխատել թիկունքում։
«Մեր սրբազան պարտականությունն է հոգատարությամբ պահպանել հաղթող սերնդի ուխտերը։ Հետևաբար, շատ կարևոր է անզիջում կերպով ճնշել մեր ընդհանուր պատմությունը խեղաթյուրելու, նացիստների և նրանց հանցակիցների կողմից կատարված վայրագությունները սպիտակեցնելու կամ մոռացության մատնելու ցանկացած փորձ», - նշել է ՌԴ նախագահը։
Արտասահմանյան երկրների ղեկավարներին և քաղաքացիներին ուղղված շնորհավորական ուղերձներում Ռուսաստանի նախագահը սրտանց շնորհավորանքներ և անկեղծ երախտագիտության խոսքեր է հղել Հայրենական մեծ պատերազմի վետերաններին և հայրենիքի պաշտպաններին՝ մաղթելով նրանց քաջառողջություն, բարեկեցություն և երկար կյանք։
