ԵՐԵՎԱՆ, 31 հոկտեմբերի․ /Նովոստի-Արմենիա/․ Մեծ Բրիտանիան հայտարարել է Ղարաբաղյան հակամարտության տուժածներին օգնություն տրամադրելու համար 1 միլիոն ֆունտ հատկացնելու մասին:
Ինչպես ասվում է Մեծ Բրիտանիայի կառավարության կայքէջում, այդ միջոցները կօգտագործվեն սնունդ և դեղորայք տրամադրել հակամարտությն ժամանակ տուժած մարդկանց:
Ինչպես նշել է Մեծ Բրիտանիայի արտաքին գործերի նախարար Դոմինիկ Ռաաբը, օգնության շրջանակում հակամարտությունից տուժած հազարավոր մարդիկ դեղեր, սնունդ և ավելի ապահով բնակարան կստանան:
Загружается новость ... "Лево"
Ի պատասխան Կարմիր խաչի միջազգային կոմիտեի (ԿԽՄԿ) կոչին՝ ճգնաժամային իրավիճակում գտնվող քաղաքացիական անձանց այժմ կտրամադրվեն անհրաժեշտ բժշկական պարագաներ, ներառյալ վիրակապման պարագաներ և վիրակապեր՝ Մեծ Բրիտանիայի օգնության նոր փաթեթի տեսքով: Մարտերում տուժած մարդիկ, ներառյալ կրակի տակ հայտնված երեխաները, ԿԽՄԿ-ի աջակցությամբ կյանքի համար անհրածեշտ օգնություն կստանան բժշկական հաստատություններում կամ փրկարարներից:
«Տուժածներից շատերի համար սահմանափակ է սննդի և այլ անհրաժեշտ իրերի հասանելիությունը, իսկ Միացյալ Թագավորության աջակցությունը ծածկոցներ, սննդամթերքի ծանրոցներ և հիգիենայի հիմնական պարագաներ կտրամադրի մարտերի շրջակայքում գտնվող անապահով մարդկանց», - ասված է հայտարարության մեջ:
«Մենք շարունակում ենք երկու կողմերին կոչ անել համագործակցել ԵԱՀԿ Մինսկի խմբի հետ և փնտրել խաղաղ, բանակցային և քաղաքական լուծում, որը տարածաշրջանի ժողովուրդներին այդքան անհրաժեշտ է», - ասել է Ռաաբը:
Իր հերթին, ԿԽՄԿ Եվրասիայի տարածաշրջանային տնօրեն Մարտին Շուպը շնորհակալություն է հայտնել Միացյալ Թագավորությանը տարածաշրջանում ԿԽՄԿ գործունեության մեջ ունեցած ներդրման համար:-0-