ԵՐԵՎԱՆ, 15 հոկտեմբերի․ /Նովոստի-Արմենիա/․ Լոս Անջելեսի քաղաքապետարանը ներկվել է Արցախի դրոշի գույներով՝ ի նշան հայության հետ համերաշխության, - Facebook-յան իր էջում հայտնել է Լոս Անջելեսի քաղաքային խորհրդի անդամ Փոլ Կրեկորյանը:
Նրա խոսքով՝ ինքը միացել է All-Armenian Student Association-ի, որպեսզի բողոքի ադրբեջանական ու թուրքական ագրեսիաների դեմ և պահանջի խաղաղություն հաստատել Արցախում: Վեց տարի առաջ Լոս Անջելեսի քաղաքային խորհուրդը ճանաչել է Արցախի ժողովրդավարական հանրապետությունը անկախությունը:
Загружается новость ...
"Право"
«Սեպտեմբերի 27-ին Ադրբեջանի զինված ուժերը աննախադեպ, ոչոնչով չհրահրված հարձակում են սկսել Արցախի և Հայաստանի վրա: Հարձակումները հրահրել էր Թուրքիան, որը սիրիացի և լիբիացի վարձկաններ է ուղարկում Ադրբեջան: Վերջին 17 օրերին Արցախի քաղաքացիական բնակչությունը ահաբեկվել է և գտնվում է հումանիտար ճգնաժամի մեջ», - գրել է Կրեկորյանը:
Նա կոչ է արել ԱՄՆ կառավարությանը և նախագահ Դոնալդ Թրամփի վարչակազմին անհապաղ քայլեր ձեռնարկել:-0-