Հունաստանը հետ է կանչել Ադրբեջանում իր դեսպանին Բաքվի վիրավորական հայտարարություններից հետո

ԵՐԵՎԱՆ, 7 հոկտեմբերի․ /Նովոստի-Արմենիա/․ Ադրբեջանում Հունաստանի դեսպան Նիկոլաոս Պիպերիգոսը Արտաքին գործերի նախարար Նիկոս Դենդիասի որոշմամբ հետ է կանչվել Աթենք՝ խորհրդակցությունների, այս մասին ասվում է գերատեսչության կայքում։ 

Նշվում է, որ ավելի վաղ Հունաստանը վրդովվել էր Ադրբեջանի կառավարության բացարձակ անհիմն և վիրավորական հայտարարություններից, որոնք Հունաստանի իշխանություններին մեղադրում էին ահաբեկչական գործողությունների նախապատրաստումը հանդարտելու մեջ, Լեռնային Ղարաբաղի հակամարտության համատեքստում Հունաստանի տարածքից ահաբեկիչ մարտիկներ ներգրավելու փորձեր և կիբերհարձակումներ դեպի Ադրբեջան: 

Հունաստանը դեմարշ է հայտարարել Ադրբեջանին և Ադրբեջանի դեսպանին կանչել ԱԳՆ՝ պարզաբանումներ ստանալու համար:

Ավելի վաղ Հունաստանի իշխանությունները աջակցություն էին հայտնել Հայաստանին՝ կապված ղարաբաղյան հակամարտության սրման հետ և հայտարարել, որ պատրաստ են աջակցություն ցուցաբերել լարվածությունը վերացնելու հարցում: 

Մի քանի օր առաջ Anonymous Greece հաքերային խումբը կոտրել էր Ադրբեջանի կառավարության կառույցների շուրջ 80 կայքեր՝ ի նշան Հայաստանի աջակցության:-0-