ՀԱՊԿ-ն անհանգստացած է Հայաստանում խոցված ռուսական ուղղաթիռի հետ կապված միջադեպով

ԵՐԵՎԱՆ, 9 նոյեմբերի․ /Նովոստի-Արմենիա/․  Հավաքական անվտանգության պայմանագրի կազմակերպությունը (ՀԱՊԿ) լուրջ մտահոգություն է հայտնել Հայաստանում տեղի ունեցած ողբերգական միջադեպի կապակցությամբ, որի արդյունքում խոցվել է ռուսական ուղղաթիռ: Այս մասին ՌԻԱ Նովոստիին ասել է կազմակերպության մամուլի քարտուղար Վլադիմիր Զայնետդինովը:

«Մենք շատ ենք ցավում, որ հակամարտության սրումը (Ղարաբաղում) հանգեցրել է այդպիսի տխուր հետևանքների», -ասել է Զայնետդինովը:

«Մենք մեր լուրջ մտահոգությունն ենք հայտնում տեղի ունեցածի կապակցությամբ, ցավակցում ենք զոհված անձնակազմի ընտանիքին և հարազատներին: Մենք կսպասենք հետաքննության արդյունքներին, թե որտեղից է արձակվել կրակոցը», - ասել է նա:

Զայնետդինովը հիշեցրել է, որ ՀԱՊԿ-ը մի քանի անգամ հակամարտող կողմերին հրադադարի կոչ է արել:-0-