ԵՐԵՎԱՆ, 24 հունիսի./Նովոստի-Արմենիա/. Մայիսին վթարի ենթարկված Pakistan International Airlines ավիաընկերության օդանավի օդաչուները, ինչպես պարզվել է, տարվել են կորոնավիրուսի մասին զրույցով, ինչի հետևանքով սխալներ են թույլ տվել օդանավի կառավարման մեջ, հաղորդում է Հանրապետության քաղավիացիայի նախարար Գուլամ Սարվար Խանը:
Загружается новость ... "Лево"
«Ես լսել եմ նրանց խոսակցությունները: Օդաչուները կենտրոնացած չեն եղել, նրանց ուշադրությունը թռիչքի ժամանակ կորոնավիրուսի վրա էր: Չարաբաստիկ ինքնաթիռը 100%-ով պիտանի էր թռիչքների համար, և չուներ որևէ տեխնիկական անսարքություններ»,- մեջբերում է պաշտոնյայի խոսքերը The News International-ը, հաղորդում է «Известия»-ն:
Նախարարն ընդգծել է, որ օդաչուների ընտանիքները տուժել են կորոնավիրուսից, այդ պատճառով նրանց «միտքը զբաղված էր կորոնավիրուսով»: Նա նույնպես հաղորդել է, որ մինչև աղետն օդանավի վրա բոլոր չվերթերը հաջողությամբ են ընթացել, իսկ օդաչուները առողջական հակացուցումներ չեն ունեցել:
Սակայն չկենտրոնացված լինելու հետևանքով օդաչուները մի շարք սխալներ են թույլ տվել, որոնք հանգեցրել են աղետի: Այդպես, նրանք թռիչքի համար անհրաժեշտ բարձրությունը չեն պահել՝ չնայած դիսպետչերների զգուշացումներին, իսկ թռիչքուղուց 5 ծովային մղոն հեռավորության վրա ետ են բերել շասսին, չնայած դրանից առաջ այն հանված է եղել:
Նույնպես օդաչուները անտեսել են դիսպետչերների խորհուրդը երկրորդ շրջան անելու անհրաժեշտության մասին:
Դիսպետչերներն այդ թվում ևս բացթողումներ ունեին: Այդպես նրանք չեն զգուշացրել օդանավի անձնակազմին, որ օդանավի երկու շարժիչները վնասված են եղել վայրէջք կատարելու առաջին փորձից հետո:
Հիշեցնենք, որ Pakistan International Airlines ավիաընկերության Airbus 320 օդանավը
կործանվել է մայիսի 22-ին Պակիստանի Կարաչի քաղաքի մոտակայքում։ Աղետի
հետևանքով մահացել է 97 մարդ և ոչնչացվել 5 տուն և տրանսպորտային մի քանի միջոց:
-0