ԵՐԵՎԱՆ, 25 դեկտեմբերի. /Նովոստի-Արմենիա/. Ամերիկացի երգիչ և դերասան Նիք Ջոնասը դարձել GQ ամսագրի վարկանիշով տարվա ամենաոճային տղամարդը:
Ինչպես հայտնում է
lenta.ru-ն, հղում անելով The Independent-ին, ամսագրի կայքում անցկացված քվեարկությանն օգտատերերին առաջարկել են ընտրել իրենց ֆավորիտին 64 հավակնորդից: Ջոնասի գլխավոր մրցակիցներն են դարձել դերասան Ջեֆ Գոլդբլյումը և Ռայան Ռեյնոլդսը, ինչպես նաև երաժիշտ Ջոն Լեջենդը:
Նշվում է նաև, որ Ջոնասի և դերասանուհի Պրիյանկա Չոպռայի` դեկտեմբերին կայացած հարսանիքը լրագրողներն անվանել են անվերջանալի ֆեշըն շոու` այն պատճառով, որ օրվա ընթացքում դերասանը մի քանի զգեստ է փոխել:
Իր Instagram-ում դերասանը հրապարակել է մանկական լուսանկարը` գրելով. «Հիմա, ինչպես և այն ժամանակ, ցանկանում եմ միայն մեկ բան` ոճային լինել: Ոչ միայն ոճային, այլ ամենաոճայինը: Եվ չնայած նրան, որ նպատակին հասնելը տևել է 26 տարի, ուրախ եմ վերջապես պարգև ստանալ իմ ոճային լինելու անմար ձգտման համար»: Նա շնորհակալություն է հայտնել նաև իր ոճաբանին, երկրպագուներին և այլ թեկնածուներին:
Ջոնասի հրապարակումը հավաքել է գրեթե կես միլիոն լայք:-0-