Ֆրանսիան պատժամիջոցներով է սպառնում Թուրքիային Էրդողանի կոշտ հայտարարությունների պատճառով

ԵՐԵՎԱՆ, 5 նոյեմբերի./Նովոստի-Արմենիա/.  Ֆրանսիայի ԱԳ նախարար Ժան-Իվ Լը Դրիանը դատապարտել է Թուրքիայի նախագահ Ռեջեփ Թայիփ Էրդողանի կտրուկ արտահայտությունները Ֆրանսիայի և վերջինիս ղեկավարության հասցեին՝ թույլատրելով պատժամիջոցների հավանականություն, հաղորդում է Ինտերֆաքսը:

«Նախագահ Էրդողանն այժմ պարբերաբար հանդես է գալիս բռնության, անգամ ատելության անթույլատրելի հայտարարություններով: Դա ուղղված է ոչ միայն Ֆրանսիայի դեմ, գոյություն ունի լիարժեք եվրոպական համերաշխություն այս հարցի շուրջ, և մենք պնդում ենք, որ Թուրքիան հրաժարվի այս տրամաբանությունից»,- նշել է Ֆրանսիայի ԱԳ նախարարը հինգշաբթի Europe 1 ռադիոկայանի հետ զրույցում:

Միաժամանակ նա հիշեցրել է, որ «Եվրոպական խորհուրդը, որը միավորում է Եվրամիության 27 անդամ պետությունների ու կառավարությունների ղեկավարներին, որոշել է, որ անհրաժեշտ միջոցառումներ կկիրառի թուրքական իշխանությունների նկատմամբ»: