Դոնալդ Թրամփը խորհուրդ է տվել Ռուսաստանին «պատրաստ լինել» Սիրիայի ուղղությամբ արձակած հրթիռները խոցելուն

ԵՐԵՎԱՆ, 11 ապրիլի. /Նովոստի Արմենիա/. ԱՄՆ նախագահ Դոնալդ Թրամփը հայտնել է, որ Ռուսաստանը պետք է պատրաստ լինի Սիրիայի ուղղությամբ արձակած հրթիռները խոցելուն։ Այդ մասին նա չորեքշաբթի գրել է Twitter–ի իր էջում, հայտնում է ՏԱՍՍ–ը։

«Ռուսաստանը խոստանում է խոցել Սիրիա ուղղված բոլոր հրթիռները։ Պատրաստվիր, Ռուսաստան, որովհետև դրանք գալու են` լավերը, նորերը և խելացիները»,– գրել է նա։

«Դուք չպետք է գործընկերներ լինեք գազով սպանող կենդանու հետ, որը սպանում է իր մարդկանց և վայելում դա»,– ավելացրել է ամերիկացի նախագահը։

Ավելի վաղ չորեքշաբթի ՌԴ նախագահի մամուլի խոսնակ Դմիտրի Պեսկովը, պատասխանելով Սիրիայում ԱՄՆ հավանական հարվածը, հույս է հայտնել, որ միջազգային հանրության բոլոր մասնակիցները ձեռնպահ կմնան այնպիսի քայլերից, որոնք ա) իրականում ոչնչից հրահրված չեն և բ) որոնք կարող են ապակայունացնել տարածաշրջանի` առանց այն էլ փխրուն իրավիճակը։

Պեսկովը նաև նշել է, որ Ռուսաստանը կողմ է Սիրիայում իբր առկա քիմիական զենքի վերաբերյալ հաղորդումների օբյեկտիվ քննությանը և համաձայն չէ մի շարք արևմտյան երկրների` դրան վերաբերող վարկածի հետ։ -0-