Ալեքսեյ Նավալնին հոսպիտալացումից հետո կոմայի մեջ է. քարտուղարը նոր տեղեկություններ է հայտնել (ՎԻԴԵՈ)

 ԵՐԵՎԱՆ, 20 օգոստոսի./Նովոստի-Արմենիա/. Կոռուպցիայի դեմ պայքարի հիմնադրամի ղեկավար և հիմանդիր Ալեքսեյ Նավալնին, ով հինգշաբթի առավոտյան հոպիտալացվել էր Օմսկում, կոմայի մեջ է, այս մասին հայտնել է նրա մամուլի քարտուղար Կիրա Յարմիշը, հաղորդում է ՏԱՍՍ-ը:

Նավալնու քարտուղարի խոսքով, միակ բանը, որ Նավալնին առավոտվանից խմել է, թեյն է եղել, ուստի ենթադրվում է որ թեյի մեջ ինչ-որ բան են խառնել և վերջինս թունավորվել է:

«Նրա մոտ տոքսիկ թունավորում է»,- նշել է քարտուղարը:

Քիչ առաջ քարտուղարը հայտնել է, որ Ալեքսեյը միացված է թոքերի արհեստական օդափոխության սարքին:

«Ալեքսեյը շարունակում է միացված մնալ թոքերի արհեստական օդափոխության սարքին: Նա կոմայի մեջ է՝ ծանր վիճակում: Անալիզների պատասխանները դեռևս չկան»,- գրել է նա Twitter-ի իր էջում: -0-