Վրաստանում կալանավորել են Իրանի քաղաքացու, ով ՀՀ տարածքով 80կգ հերոին է տեղափոխել

ԵՐԵՎԱՆ, 25 մայիսի./Նովոստի–Արմենիա/. Վրաստանի Ներքին գործերի նախարարության, Գլխավոր դատախազության և Ֆինանսների նախարարության աշխատակիցները համատեղ ձեռնարկված օպերատիվ-հետախուզական համալիր գործողությունների արդյունքում կալանավորել են Իրանի քաղաքացի Բ.Թ.–ին։

Ինչպես հայտնում է Վրաստանի ՆԳՆ–ն, իրավապահները Փոթի նավահանգստում հայտնաբերել են Իրանի քաղաքացու կողմից շահագործվող բեռնատարը։ Տրանսպորտային միջոցի խուզարկությամբ՝ կցասայլի հետևի երկու դռներում հայտնաբերվել է մինչև 80 կիլոգրամ քաշով 315 փաթեթ «Հերոին» տեսակի թմրամիջոց։

Քննությամբ պարզվել է, որ Իրանի Իսլամական Հանրապետության քաղաքացին նպատակ է ունեցել Իրանից Հայաստանի և Վրաստանի տարածքով Եվրոպա տեղափոխվել առանձնապես խոշոր չափի թմրամիջոց։–0–