ԵՐԵՎԱՆ, 21 հոկտեմբերի./Նովոստի–Արմենիա/. Ստամբուլի գլխավոր դատախազության աշխատակիցները ձերբակալել են վեց մարդու անօրինական հետախուզական գործունեություն իրականացնելու գործով քննության շրջանակում։ Ձերբակալվածներից չորսը ռուսներ են, գրում է Ինտերֆաքսը` հղում անելով «Հյուրիեթ» թուրքական թերթին։
Ինչպես հայտնում է հրատարակությունը, «քաղաքական և ռազմական լրտեսության» մեղադրանքով ձերբակալվել են Ռուսաստանի չորս քաղաքացիներ, ինչպես նաև Ուկրաինայի մեկ քաղաքացի և Ուզբեկստանի մեկ քաղաքացի։
Հրատարակության տվյալներով, ձերբակալվածներն իբր Թուրքիայում պատրաստում էին համատեղ ակցիա օտարերկրացիների դեմ, դրա համար էլ նրանք իբր ձեռք են բերել զենք։–0–
