ԵՐԵՎԱՆ, 15 հունիսի./Նովոստի–Արմենիա/. Հունիսի 14-ին, տեղական ժամանակով ժամը 18:24-ին (Գրինվիչի ժամանակով ժամը 14:24-ին) ՀՀ ԱԻՆ սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է 5.7 մագնիտուդով, օջախի 10 կմ խորությամբ երկրաշարժ, որի էպիկենտրոնը գտնվում է Թուրքիայի Բինգյոլ քաղաքից 55 կմ հյուսիս-արևելք, հաղորդում է ՀՀ ԱԻՆ–ը։
Загружается новость ... "Лево"
Էպիկենտրոնի աշխարհագրական կոորդինատներն են հյուսիսային լայնության 39.35⁰ և արևելյան երկայնության 40.73⁰:
«Էպիկենտրոնային գոտում ստորգետնյա ցնցման ուժգնությունը կազմել է 8 բալ», – նշվում է գերատեսչության հաղորդագրության մեջ:
Ըստ նախնական տվյալների՝ երկրաշարժի հետևանքով կա 1 զոհ և 9 վիրավոր։–0–