ԵՐԵՎԱՆ, 22 սեպտեմբերի./Նովոստի–Արմենիա/. ՌԴ–ում կորոնավիրուսի շրջանառությունը կհաջողվի դադարեցնել հաջորդ տարվա նոյեմբերին այն դեպքում, եթե հասնենք ՌԴ բնակչության պատվաստման 70-80%–անոց մակարդակին, հայտարարել է Գամալեայի անվան կենտրոնի տնօրեն Ալեքսանդր Գինցբուրգը, հաղորդում է
Ինտերֆաքսը։
«Հուսով եմ` մինչև նոյեմբեր կլինի պատվաստանյութի 5–6 միլիոն դեղաչափ, որոնք կարտադրվեն 4–5 հարթակներում։ Դա թույլ տա 9–12 ամսում պատվաստել բնակչությանը, հասնել պատվաստման 70-80%–անոց մակարդակին, ինչը թույլկ տա պոպուլյացիոն մակարդակում դադարեցնել այդ հարուցիչի շրջանառությունը», – ասել է Գինցբուրգը երեքշաբթի ասուլիսի ժամանակ։
Նա նշել է, որ հիմա արդեն 2000 կամավոր հետգրանցման ուսումնասիրությունների շրջանակում «ստացել են պատվաստանյութի առաջին բաղադրիչը, որևէ զգալի կողմնակի ազդեցություն չի գրանցվել»։
«Պատվաստվածների 14-15%–ն ունի բարդություններ, ջերմություն` մինչև 38 աստիճան, կարմրություն ներարկման հատվածում, գլխացավ, ամեն ինչ անցնում է առաջին օրվա ընթացքում», – նշել է գիտնականը։
Գինցբուրգն ընդգծել է, որ պատվաստվածների 85%–ի մոտ «որևէ կողմնակի ազդեցություն չի գրանցվել»։–0–
