«Մենք մնացել ենք մենակ մեր պետության պաշտպանության գործում». Ուկրաինայի նախագահ (ՎԻԴԵՈ)
11:05
25 Փետրվարի 2022
ԵՐԵՎԱՆ, 25 փետրվարի./Նովոստի–Արմենիա/. Ուկրաինայի նախագահ Վլադիմիր Զելենսկին հայտարարել է, որ եվրոպական երկրների առաջնորդները պատրաստ չեն տրամադրել կոնկրետություն ՆԱՏՕ հանրապետության ներառման հարցում, և Կիևը չի վախենում խոսել Ուկրաինայի չեզոք կարգավիճակի մասին։
«Մենք մնացել ենք մենակ մեր պետության պաշտպանության գործում (...) Ո՞վ է պատրաստ Ուկրաինային տալ ՆԱՏՕ–ի կազմում ներառվելու երաշխիք։ Անկեղծ, բոլորը վախենում են», – ասել է Զելենսկին ուրբաթ գիշերը հեռարձակված իր տեսաուղերձում, հաղորդում է Ինտերֆաքսը։
Նախագահը նշել է, որ «Ռուսաստանն իբր ուզում է խոսել Ուկրաինայի չեզոք կարգավիճակի մասին»։
Загружается новость ... "Лево"
«Ես ասում եմ մեր երկրի բոլոր գործընկերներին` հիմա կարևոր պահ է, որոշվում է մեր երկրի ճակատագիրը։ Ես հարցնում եմ նրանց` նրանք մեզ հե՞տ են։ Նրանք պատասխանում են, որ մեզ հետ են, բայց պատրաստ չեն մեզ վերցնել դաշինք», – հայտարարել է Զելենսկին։
Նշենք, որ փետրվարի 24-ին Պուտինը հայտարարեց, որ որոշել է Դոնբասում հատուկ ռազմական օպերացիայի անցկացման մասին:
Ռուսաստանցիներին ուղղված հեռուստաուղերձում նա հայտարարել է, որ հանգամանքները «մեզնից պահանջում եմ վճռական և անհապաղ գործողություններ, Դոնբասի ժողովրդական հանրապետությունները դիմել են Ռուսաստանին օգնության խնդրանքով»: ՌԴ նախագահը հայտարարել է, որ արյունահեղության ամբողջ պատասխանատվությունն ընկնելու է Ուկրաինայի իշխող ռեժիմի խղճին և կոչ է արել ուկրաինացի զինվորականներին չկատարել ուկրաինական իշխանությունների հանցավոր հրամանները, վայր դնել զենքն ու գնալ տուն:
ՌԴ պաշտպանության նախարարությունը հայտնել է, որ ՌԴ Զինված ուժերը հրթիռային, ավիացիոն կամ հրետանային որևէ հարված չեն հասցնում Ուկրաինայի քաղաքներին: Գերատեսչության տվյալներով, գերճշգրիտ հարվածներով շարքից հանվում են ռազմական ենթակառուցվածքը, ՀՕՊ օբյեկտները, ռազմական օդանավակայանները, Ուկրաինայի Զինված ուժերի ավիացիան: Նախարարությունից նշել են, որ քաղաքացիական բնակչությանը ոչինչ չի սպառնում:-0-
