Հայ փրկարարները Թուրքիայում փլատակների տակից ողջ երեխա են դուրս հանել

ԵՐԵՎԱՆ, 10 փետրվարի./Նովոստի–Արմենիա/. Հայ փրկարարները Թուրքիայում փլատակների տակից ողջ երեխա են դուրս հանել։

Այս մասին հայտնել է Ստամբուլում լույս տեսնող «Ակոս» հայկական թերթի խմբագիր Բագրատ Էստուկյանը։

«Հայ փրկարարներին հաջողել է փլատակների տակից երեխա ողջ-առողջ դուրս բերել», – ասել է Էստուկյանը։

Երկրորդ օրն է հայ փրկարարների 27 հոգանոց խումբն աշխատում է թուրքական Ադիյաման քաղաքում, փորձում են փլատակներից դուրս բերել տուժածներին ու զոհերին։

Նախօրեին հայտնի էր դարձել, որ Սիրիայում հայ փրկարարները փլատակների տակից երեք ողջ մարդու դուրս բերել։

Փետրվարի 6-ին մի շարք հզոր երկրաշարժեր են գրանցվել Թուրքիայում և Սիրիայում: Վերջին տվյալներով, Սիրիայում զոհերի թիվը հասել է 1347 մարդու, Թուրքիայում զոհվել է 18342 մարդ:

Ավերիչ երկրաշարժերից հետո Հայաստանը փրկարարական ջոկատներ է ուղարկել Սիրիա և Թուրքիա:-0-