ԵՐԵՎԱՆ, 3 փետրվարի. /Նովոստի-Արմենիա/. Հայ գործարար Դավիթ Ամարյանի հիմնադրած Balchug Capital հիմնադրամը ֆիննական EKE և Vicus ընկերություններից գնել է Սանկտ Պետերբուրգի «Պուլկովո» օդանավակայանի մոտ գտնվող Pulkovo Sky բիզնես կենտրոնը: Այս մասին նշվում է Իրավաբանական անձանց միասնական պետական ռեգիստրում և անշարժ գույքի միասնական պետական ռեգիստրից։ Ամարյանը ՌԲԿ-ին հաստատել է գործարքի կնքումը, հաղորդում է
«ԱՌԿԱ» գործակալությունը։
Փաստաթղթերում նշվում է, որ հունվարի 30-ին Balchug Capital-ը դարձել է «ЕВ Инвест» -ի միակ սեփականատերը, որը Transway North-West-ի միջոցով բիզնես կենտրոնի և այդ տարածքի սեփականատերն է: Transway North-West-ի հաշվետվությունը ցույց է տալիս, որ ընկերության 60%-ը պատկանում էր EKE կոնցեռնի կառույցին՝ EKE-Finance Oy-ին, իսկ 40%-ը՝ Vicus ներդրումային ընկերությանը: Ռուսաստանում EKE-ի տարածաշրջանային տնօրեն Անդրեյ Խիտրովը հրաժարվել է մեկնաբանություններից։ ՌԲԿ-ն հարցում է ուղարկել Vicus-ին։
Սա Balchug Capital-ի առաջին ակտիվն է ՌԴ-ի անշարժ գույքում:
«Բայց հուսով եմ՝ ոչ վերջինը»,- ասում է Ամարյանը։
Նա չի հրապարակել գործարքի գումարը, սակայն նշել է, որ գնման գինը գրավիչ էր։ Անբարյացակամ երկրների ցանկից ներդրողների ռուսական ակտիվների վաճառքի գործարքները քննարկվում են կառավարական հանձնաժողովի կողմից անցյալ տարվա դեկտեմբերից, որը դրանք հաստատում է միայն շուկայական գնի առնվազն 50% զեղչով։
«Սա բարձրակարգ հաստատություն է, ամենամեծը հյուսիսային մայրաքաղաքում։ Նման մակարդակի կոմերցիոն անշարժ գույքի նկատմամբ պահանջարկ միշտ կլինի»,- նշում է գործարարը։
Նրա խոսքով, Balchug Capital-ը դիտարկում է նաև այլ ներդրումներ Ռուսաստանի առևտրային անշարժ գույքում, քանի որ երկրում կան «բարձր դասի բավականին շատ օբյեկտներ», ինչպես նաև այլ ոլորտներում:
Գործարքի առարկան
Pulkovo Sky Business Center-ը գտնվում է Վնուկովսկայա փողոցում՝ Պուլկովո-2 տերմինալի դիմաց, որը սպասարկում է բիզնես ավիացիոն թռիչքներ։ Համալիրը բաղկացած է երեք 14 հարկանի աշտարակներից։ Դրանց ընդհանուր մակերեսը կազմում է 76 հազար քառ. մ, վարձակալություն՝ 45 հազար քմ. մ: Գրասենյակային համալիրը պատկանում է A դասին, այսինքն՝ ամենաթանկը վարձակալության առումով։ Սա Սանկտ Պետերբուրգի ամենախոշոր A դասի գրասենյակային շենքն է, ավելացնում է IBC Real Estate-ի կապիտալի և ներդրումների շուկաների բաժնի ղեկավար Միքայել Ղազարյանը (ընկերությունը հանդես է եկել որպես գործարքի խորհրդատու):-0-
