Ցնցող կադրեր Քաբուլից. մարդիկ հուսահատ կերպով փորձում են բարձրանալ օդանավ ու օդում վայր են ընկնում շասսիներից (ՎԻԴԵՈ)

ԵՐԵՎԱՆ, 16 օգոստոսի./Նովոստի–Արմենիա/. Աֆղանստանի մայրաքաղաք Քաբուլի օդանավակայանում առաջացել է հրմշտոց, քանի որ մարդիկ ցանկանում են հեռանալ երկրից «Թալիբան» արմատական շարժման իշխանության գալուց հետո, հաղորդում է «Дождь» հեռուստաալիքը։

Երբ ամբոխը ներխուժել է օդանավակայանի թռիչքուղի, ամերիկացի զինվորականները մի քանի անգամ նախազգուշական կրակոցներ են արձակել օդ։ Սոցցանցերում հայտվել են տեղեկություններ հրմշոցի հետևանքով մահացածների մասին, սակայն դրանք դեռևս չեն հաստատվել։

Համացանցում հայտնվել են այլ ցնցող կադրեր Աֆղանստանի մայրաքաղաքից, որոնցից մեկի վրա երևում է օդ բարձրացող ինքնաթիռ, որի շասսիներից մարդիկ են վայր ընկնում։–0–