Արգենտինայի նախագահի որդին հրաժարվել է սեռից (ՖՈՏՈ)

ԵՐԵՎԱՆ, 13 օգոստոսի./Նովոստի–Արմենիա/. Արգենտինայի նախագահ Ալբերտո Ֆերնանդեսի որդին`Էստանիսլաո Ֆերնանդեսը,  ստացել է ինքնության հաստատման քարտ, որտեղ նշված չէ սեռը, հաղորդում է lenta.ru–ն:

Էստանիսլաոն այս մասին հայտնել է Instagram Stories-ում:

Քարտի համապատասխան հատվածում դրված է X նշանը, ինչը նշանակում է ոչ բինարային կամ անորոշ սեռ:

Բացի այդ, քաղաքական գործչի որդին նոր անուն է ստացել՝ Տանի: Անցյալ ամառ նախագահի որդին հայտարարել էր, որ իրեն համարում է ոչ բինարային անձնավորություն: Նա զբաղվում է քոսփլեյով և բացահայտ աջակցում է ԼԳԲՏ համայնքին: Նա Instagram–ում հայտնի է _dyhzy անունով և ունի ավելի քան 400 հազար բաժանորդ։

Հուլիսի 21–ին Արգենտինայի նախագահ Ալբերտո Ֆերնանդեսը հանձնել էր փաստաթղթի առաջին երեք օրինակները, որտեղ նշված չէ սեռը։

«Բացի արական կամ իգական սեռից կան նաև այլ ինքնություններ, և մենք պետք է հարգենք նրանց», – նշել է Արգենտինայի նախագահը։–0–

Լուսանկարները` _dyhzy/Instagram