ԱՀԿ–ին 135մլն դոլար կպահանջվի առաջիկա վեց ամսում կապիկի ծաղիկի դեմ պայքարի համար․ ԱՀԿ գլխավոր տնօրեն
24.08.2024,
12:25
Օգոստոսի 14-ին ԱՀԿ-ն արտակարգ դրություն է հայտարարել հանրային առողջության ոլորտում կապված աշխարհի մի շարք երկրներում կապիկի ծաղիկի տարածման կապակցությամբ
ԵՐԵՎԱՆ, 24 օգոստոսի․/Նովոստի–Արմենիա/․ Մարդկանց շրջանում կապիկի ծաղիկի տարածման դեմ պայքարելու համար ԱՀԿ–ին անհրաժեշտ է մոտ 135մլն դոլար առաջիկա վեց ամսում, ուրբաթ ասել է կազմակերպության գլխավոր տնօրեն Թեդրոս Ադհանոմ Գեբրեյեսուսը:
«Կապիկի ծաղիկի բռնկումը հնարավորինս արագ դադարեցնելու համար, մեր նախնական հաշվարկներով, մոտ 135 միլիոն դոլար կպահանջվի առաջիկա վեց ամսվա ընթացքում՝ հիվանդության սուր փուլում», - ասել է Գեբրեյեսուսը, հաղորդում է Ինտերֆաքսը։
«Կապիկի ծաղիկի բռնկման դեմ պայքարը պահանջում է միջազգային հանրության համալիր և համակարգված աշխատանք»,- ասել է նա։
Օգոստոսի 14-ին ԱՀԿ-ն արտակարգ դրություն է հայտարարել հանրային առողջության ոլորտում կապված աշխարհի մի շարք երկրներում կապիկի ծաղիկի տարածման կապակցությամբ։
Կապիկի ծաղիկը հազվագյուտ ինֆեկցիոն հիվանդություն է, որն առավել տարածված է կենտրոնական և արևմտյան Աֆրիկայի հեռավոր շրջաններում: Դրա ախտանիշերն են սրտխառնոցը, ջերմությունը, ցանը, քորը և մկանացավը։ Թեթև դեպքերում հիվանդությունը սովորաբար անցնում է ինքնուրույն և տևում է 14-ից 21 օր:
Պատճենել հղումը
