14-ամյա դպրոցականը դասի ժամանակ դանակով հարձակվել է համադասարանցու վրա (ՖՈՏՈ)

ԵՐԵՎԱՆ, 25 սեպտեմբեր․/Նովոստի-Արմենիա/. Իրկուտսկի մարզում դպրոցականը դասի ժամանակ դանակով հարձակվել է իր համադասարանցու վրա։ Հայտնում է SHOT-ը։

14-ամյա երկու տղաները երկար ժամանակ վիճում էին և հարաբերություններ պարզում։

Այսօր առավոտյան Զիմա քաղաքի դպրոցներից մեկում նրանցից մեկը դանակ է բերել դպրոց և դասի ժամանակ հարձակվել է մյուսի վրա։

Աղբյուրի տեղեկացմամբ, տուժածի կյանքին վտանգ չի սպառնում։ Իրկուտսկի մարզի քննչական կոմիտեն քրեական գործ է հարուցել «Անփութություն» և «Սպանության փորձ» հոդվածներով։ Հարձակվողը ձերբակալվել է։