115–ամյա ամուսնության ավարտը. 120 տարեկան կրիաները բաժանվել են (ՖՈՏՈ)

ԵՐԵՎԱՆ, 22 փետրվարի. /Նովոստի–Արմենիա/. Ավստրիայի կենդանաբանական այգու աշխատակիցները տխրել են, քանի որ նրանց բնակիչ կրիաները` 19–րդ դարի վերջին (մոտ 1897 թվականին) ծնված և իրար հետ գրեթե 115 տարի ապրած Բիբին և Փոլդին, սկսել են ժամանակ առ ժամանակ վիճել։

Բանը հասել է նրան, որ «կինը»` Բիբին, ագրեսիայի պահին նույնիսկ կծել–պոկել է «ամուսին» Փոլդիի զրահից մի կտոր, գրում է vesti.ru–ն` հղում անելով կենդանիների մասին պատմող MNN պորտալին։

Արդյունքում կրիաներին հաջողվել է տեղավորել առանցին տնակներում և նրանց համար երկու առանձին բաղնիքներ կառուցել։

Սակայն այգու աշխատողները, հույս ունենալով, որ կրիաների ընտանիքում խաղաղությունը հնարավոր կլինի վերականգնել, պատուհաններ են բացել տնակներում այնպես, որ Բիբին և Փոլդին միմյանց կարողանան հեռվից տեսնել։

At the reptile zoo in Klagenfurt, Austria, two once deep-in-love tortoises broke up, moved out, and still hate each other. Tortoises… they’re just like us.

“Bibi and Poldi now live in matching condos, like divorcees who each made out well in the split.” https://t.co/SKW2zjigCP

— Tablet Hotels (@TabletHotels) February 20, 2019

Առայժմ ցանկալի արդյունքի գալ չի հաջողվել։ Կենդանաբանական այգու աշխատողներն ասում են, թե տպավորություն է ստեղծվում, որ նրանք հոգնել են միմյանցից և պարզապես չեն կարող միմյանց տեսնել։

Բիբին նույնիսկ օձի պես ֆշշացնում է, երբ տեսնում է Փոլդիին։

Սակայն ավստրիական կենդանաբանական այգում, ուր զույգն եկել է Շվեյցարիայից, հույսը չեն կորցնում, որ զույգը կվերամիավորվի։ Առավել ևս, որ նրանք դեռ երիտասարդ են, քանի որ հսկա կրիաներն ապրում են առնվազն մինչև 150 տարի, իսկ երբեմն նույնիսկ մինչև 250։ -0-