Թրամփին սպանելու փորձ կատարած տղամարդը գրություն է թողել նախքան մահափորձ կատարելը (ՖՈՏՈ)
ԵՐԵՎԱՆ, 24 սեպտեմբերի./Նովոստի-Արմենիա/. Ամերիկացի Ռայան Ռաութը, ով մահափորձ էր արել ԱՄՆ նախկին նախագահ Դոնալդ Թրամփի դեմ, նախապես գրություն է թողել իր ընկերոջ տանը՝ գրում է rbc.ru-ն՝ վկայակոչելով դատախազների հրապարակած նյութերը։
Ռաութը գրությունը թողել է արկղի մեջ, որն էլ դրել է ընկերոջ տանը, նշում է աղբյուրը։ Նամակը գտել են նրան ձերբակալելուց հետո։
«Դա Դոնալթ Թրամփի դեմ մահափորձ էր, բայց ես ձեզ հուսախաբ եմ արել։ Ես փորձեցի անել առավելագույնը և ամբողջ քաջությունս դրեցի դրա մեջ»,- նշված է նամակում։
Հաղորդագրության հեղինակն առաջարկում է հասցեատիրոջը 150 հազար դոլարի դիմաց «ավարտել գործը»։
Հիշեցնենք, որ օրեր առաջ ԱՄՆ նախկին նախագահ Դոնալդ Թրամփի գոլֆի ակումբի մոտ կրակոցներ էին հնչել, նախագահը տարածքում էր, սակայն նա չի տուժել կրակոցներից։
