ԵՐԵՎԱՆ, 21 ապրիլի. /Նովոստի-Արմենիա/. Շրի Լանկայի քաղաքամերձ բնակավայրում որոտացել է 7-րդ պայթյունը: Ինպես հայտնում է ՏԱՍՍ-ը, հղում անելով NDTV-ին, պայթյունը որոտացել է Դեհիվալա շրջանի քաղաքային կենդանաբանական այգու մոտ:
Ըստ աղբյուրի, 7-րդ պայթյունի հետևանքով մահացել է առնվազն 2 մարդ, մոտ 10 մարդ ստացել են տարբեր աստիճանի վնասվածքներ: Տուժածները տեղափոխվել են հիվանդանոց:
News 1ST-ն հայտնում է իր հերթին, որ Դեմատագոդա շրջանում որոտացել է 8-րդ պայթյունը:
Տեղի իշխանությունները դեռ չեն հայտնում, թե ում են կասկածում ահաբեկչության մեջ: Կոլոմբո ոստիկանության ներկայացուցիչը, պատասխանելով ՏԱՍՍ-ի թղթակցի հարցին, ասել է. «Սպասեք պաշտոնական տեղեկատվությանը»:
Ավելի վաղ Կոլոմբոյի երեք հյուրանոցներում և եկեղեցում որոտացել է 6 պայթյուն, պայթյուններ են եղել նաև Նեգոմբո քաղաքամերձ բնակավայրի երկու եկեղեցում: Ըստ վերջին տվյալների, մահացածների թիվը հասնում է 185-ի: Եկեղեցիներում հավաքված մարդիկ նշում էին Սուրբ Զատիկը: Ծայրահեղական խմբավորումներից ոչ մեկը դեռ չի վերցրել իր վրա պատասխանատվությունը տեղի ունեցածի համար:-0-