Դատարանի առաջ են կանգնել կանայք, ովքեր պնդում էին, որ Մակրոնի կինը տղամարդ է ծնվել

ԵՐԵՎԱՆ, 13 սեպտեմբերի./Նովոստի-Արմենիա/. Երեկ Փարիզի դատարանը երկու կանանց, ովքեր պնդում էին, որ Ֆրանսիայի նախագահ Էմանուել Մակրոնի կինը՝ Բրիժիտը, տղամարդ է ծնվել, պարտավորեցրել է վճարել 13,5 հազար եվրո տուգանք զրպարտության համար, գրում է ria.ru-ն։

«Կանայք ենթարկվել են պայմանական տուգանքի՝ 500 եվրոյի չափով: Նրանք նաև պետք է վճարեն 8 հազար եվրո փոխհատուցում Բրիժիտ Տրոնյեին և 5 հազար եվրո տիկնոջ եղբորը՝ Ժան-Միշել Տրոնյեին, որպես բարոյական վնասի փոխհատուցում»,- նշված է հայտարարության մեջ։

2021 թվականի դեկտեմբերին՝ Ֆրանսիայի նախագահական ընտրություններից մի քանի ամիս առաջ, 50-ամյա Ռեյը, ով, ինչպես ինքն է պնդում, անկախ լրագրող է, YouTube-ում տեսանյութ էր հրապարակել՝ ասելով, որ մի քանի տարի հետաքննել է Ֆրանսիայի առաջին տիկնոջը։ Նա պնդում էր, որ Մակրոնի դպրոցի ուսուցիչը, ով նախագահից 24 տարով մեծ է, իրականում ծնվել է Ժան-Միշել անունով տղամարդու մեջ։ Տեսանյութն արագ տարածվել էր ԶԼՄ-ներում, այդ թվում՝ ԱՄՆ-ում:

Նույն տարվա մարտին Մակրոնն առաջին անգամ հանրայնորեն մեկնաբանել էր իր կնոջ սեռի մասին ԶԼՄ-ներում հայտնված նյութերը։ Նա նշել էր, որ ամենավատը, ինչին բախվել էր նախագահության ընթացքում, դա «կեղծ տեղեկություններ և շինծու պատմություններն են, որոնք հանգեցնում են նրան, որ մարդիկ հավատում են դրանց և սկսում են ձեզ ճնշել, այդ թվում նաև ձեր անձնական կյանքում»։