Թրամփը պատրաստ է միջուկային զենք կիրառել Հյուսիսային Կորեայի դեմ

ԵՐԵՎԱՆ, 4 սեպտեմբերի. /Նովոստի–Արմենիա/. ԱՄՆ նախագահ Դոնալդ Թրամփը Ճապոնիայի վարչապետ Սինձո Աբեի հետ հեռախոսազրույցի ժամանակ վերահաստատել է ԱՄՆ–ի և դաշնակիցների տարածքը պաշտպանելու պարտավորությունը` դիվանագիտական միջոցների, սովորական և միջուկային հնարավորությունների կիրառմամբ։


 Այս մասին հաղորդում է Փրայմը, նշվում է Սպիտակ տան մամուլի ծառայության հաղորդագրության մեջ։

Թրամփի խոսքով, Հյուսիսային Կորեայի ղեկավարությունը շարունակում է ապակայունացնող և սադրիչ գործողությունները։

Կիրակի Հյուսիսային Կորեան հայտարարել է ջրածնային մարտական լիցի փորձարկման մասին, որը նախատեսված է միջմայրցամաքային բալիստիկ հրթիռների համալրման համար։ –0–