ԵՐԵՎԱՆ, 10 դեկտեմբերի. /Նովոստի–Արմենիա/. ՌԴ ԱԳ նախարար Սերգեյ Լավրովը Reuters-ի օպերատորին ապուշ է անվանել։ Դա տեղի է ունեցել Համբուրգում Գերմանիայի ԱԳ նախարար Ֆրանկ–Վալտեր Շտայնմայերի հետ հանդիպման ժամանակ, գրում է meduza.io–ն։
Անցնելով միջանցքով` Լավրովը դիմել է Reuters–ի տեսախցիկին` հարցնելով «What do you want?» («Ի՞նչ եք ցանկանում»)։ Դրանից անմիջապես հետո նախարարն ավելացրել է «ապուշներ»։
Տեսանյութը հրապարակել է «Գրոմադսկե» ուկրաինական հեռուստաալիքը։ Reuters–ի տարածած տեսանյութում ևս լսվում է «ապուշներ» բառը։
Սա առաջին դեպքը չէ, երբ Լավրովը հրապարակային կերպով օգտագործում է այս բառը։ 2015 թ.–ի օգոստոսին մամուլի ասուլիսի ժամանակ նա պատահաբար զայրացել էր բարձրախոսով` ասելով «ապուշներ, ***»։ Արտահայտությունը միանգամից դարձել էր մեմ, վաճառվում են նաև համապատասխան գրառումով շապիկներ։
Սիրիայի հարցին նվիրված Լավրով–Շտայնմայեր հանդիպումն ավարտվել է դեկտեմբերի 8–ի գիշերը։–0–