ԵՐԵՎԱՆ, 28 հոկտեմբերի. /Նովոստի–Արմենիա/. Չինաստանի Շենչժեն քաղաքի օդանավակայանում China Eastern ավիաընկերության բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ, գրում է strana.ua–ն` հղում անելով South China Morning Post–ին։
Միջադեպը տեղի է ունեցել հոկտեմբերի 23–ին։ Բորտուղեկցորդուհին փորձել է փակել օդանավի դուռը, երբ հանկարծ սայթաքել ու ընկել է 3 մետր բարձրությունից։ Անկման հետևանքով նա ստացել է բազմաթիվ կոտրվածքներ և տեղափոխվել է հիվանդանոց։
Ընկած բորտուղեկցորդուհուն նկատել է մեխանիկը, ով պատրաստում էր ինքնաթիռը թռիչքի։ Միջադեպի հետևանքով չվերթը երկու ժամով ուշացել է։–0–