Պետությունը կփոխհատուցի սոցիալական բնակարանային ֆոնդի կացարաններում բնակվող միայնակ կենսաթոշակառուներիկոմունալ վճարումները (ՎԻԴԵՈ)
ԵՐԵՎԱՆ, 30 հուլիսի․ /Նովոստի-Արմենիա/․ Կառավարությանն հուլիսի 30-ի նիստում սահմանվեց ՀՀ-ում սոցիալական բնակարանային ֆոնդի կացարաններում բնակվող միայնակ կենսաթոշակառուներին սպառած բնական գազի, էլեկտրական էներգիայի և ջրամատակարարման վարձավճարների փոխհատուցման կարգը, ինչպես նաև յուրաքանչյուր տարվա համար փոխհատուցման ենթակա ծախսերի ծավալները:
Որոշման մեջ նշվում է, որ այդ վարձավճարների դիմաց փոխհատուցման ենթակա ծախսերի ծավալը 2020 թվականի համար յուրաքանչյուր կենսաթոշակառուի համար՝ 144 հազար դրամ է:
«ՀՀ սոցիալական բնակարանային ֆոնդի կացարաններում ներկա դրությամբ բնակվում է ավելի քան 250 անձ, որից 74-ն են միայնակ: Այս գումարը կանխիկացնելն ու այլ նպատակով օգտագործելն արգելվում է»,- ասաց նա։
Բաթոյանը նշեց, որ հաշվարկներն արվել են վերջին երկու տարվա վարձավճարների գումարը հաշվի առնելով, ըստ որի վարձավճարը ամսական կազմել է 12 հազար դրամ, հետևաբար տարվա համար 144 հազարը բավարար է ամբողջությամբ վարձավճարները փոխհատուցելու համար:-0-
