Հայաստանը պատրաստ է հոկտեմբերի 9-ին հյուրընկալել ԵԱՏՄ միջկառավարական խորհրդի նիստը

ԵՐԵՎԱՆ, 30 սեպտեմբերի․ /Նովոստի-Արմենիա/․ Հայաստանը Եվրասիական տնտեսական հանձնաժողովին (ԵՏՀ) հայտնել է հոկտեմբերի 9-ին Երևանում միջկառավարական խորհուրդ անցկացնելու պատրաստակամության մասին, հայտնում է ԵՏՀ կոլեգիայի նախագահի օգնական Իյա Մալկինան:

«Հայկական կողմը հանձնաժողովին տեղեկացրել է հոկտեմբերի 9-ին միջկառավարական խորհուրդ անցկացնելու պատրաստակամության մասին: Նրանք դա հաշվի են առել: Կարծում եմ, որ փոխվարչապետները հինգշաբթի կքննարկեն այս հարցը խորհրդում», - գրել է Մալկինան Facebook-յան իր էջում:

Ավելի վաղ Մալկինան ասել էր, որ է հոկտեմբերի 9-ին Հայաստանում Եվրասիական միջկառավարական խորհրդի նիստի ձևաչափը մշակվում:

Ռուսաստանի վարչապետ Միխայիլ Միշուստինը հրավեր է ստացել մասնակցելու հոկտեմբերի 9-ին Հայաստանում կայանալիք Եվրասիական միջկառավարական խորհրդի նիստին: Սեպտեմբերի 18-ին ՀՀ վարչապետ Նիկոլ Փաշինյանը ստորագրեց Եվրասիական տնտեսական միության (ԵԱՏՄ) միջկառավարական խորհուրդ նախապատրաստելու համար միջգերատեսչական խումբ ստեղծելու մասին հրամանագիր, որը նախատեսված է հոկտեմբերի 9-ին Երևանում:

Եվրասիական տնտեսական միությունը ներառում է Հայաստանը, Բելառուսը, Ղազախստանը, Ղրղզստանը և Ռուսաստանը: Մոլդովան ԵԱՏՄ-ում ունի դիտորդի կարգավիճակ: -0-