ԵՐԵՎԱՆ, 13 նոյեմբերի. /Նովոստի–Արմենիա/. Համաձայն արդեն ուժի մեծ մտած նորմերի, գործատուները պետք է մարեն հարկային մարմինների առջև իրենց աշխատողների ունեցած պարտքերը, ուրբաթ հայտնում է «Իզվեստիա» թերթը։
Պարբերականի տվյալներով, Հարկային ծառայությունը հաստատել է պարտքի գանձման նոր կարգը, որի դեպքում, եթե քաղաքացու պարտքը կազմում է մինչև 25 հազար ռուբլի, ապա իրեն կենսաթոշակ կամ կրթաթոշակ վճարող կազմակերպությունը կամ գործատուն ստիպված կլինի հանել այդ պարտքն աշխատավարձից կամ այլ եկամուտներից։
Սխեմն այսպիսին է` հարկային մարմինը Կենսաթոշակային ֆոնդում տեղեկություն է ստանում պարտապանի (նա այնտեղ պարտադիր կենսաթոշակային ապահովագրության վճարումներ է կատարում) և ոչ ուշ, քան դրա ստացումից 10 օրվա ընթացքում գործատուին ուղարկում է գանձման մասին գործադիր փաստաթուղթը։ Իսկ եթե ընկերությունը չի արձագանքում այդ թղթին, ապա հարկային մարմինը դիմում է Դատական տեսուչների դաշնային ծառայություն կազմակերպության կողմից ավելի քան երկու ամիսների ընթացքում դատական ակտերի չկատարման կապակցությամբ։
Պարտապանների մյուս կատեգորիաները նույնպես կբախվեն գանձման զգալի խստացման հետ։ Այսպես, ավելի քան 3 հազար ռուբլու պարտքի դեպքում հարկային տեսուչը պետք է ԴՏԴԾ–ից պահանջի արգելանք դնել պարտապանի գույքի վրա, 10 հազար ռուբլուց բարձր պարտքի դեպքում` խնդրի արգելել նրան մեկնել արտասահման։
Իսկ եթե գույքահարկի պարտքը գերազանցել է 50 հազար ռուբլին, հարկային ծառայողները պետք է արգելանք դնեն պարտապանի գույքի վրա, ինչպես նաև «միջոցառումներ իրականացնեն գույքահարկի պարտքը ֆիզիկական անձանցից առավել այցելվող հասարակայան վայրերում (օդանավակայան, խոշոր առևտրային կետեր և այլն) գանձելու ուղղությամբ»։
Եթե ֆիզիկական անձի պարտքն ավելի քան 200 հազար ռուբլի է (Մոսկվայի և Սանկտ Պետերբուրգի բնակիչների համար` 300 հազար ռուբլի), ապա պարտքը կփոխանցվի մարզային վարչություն, իսկ 3 մլն ռուբլուց ավելի պարտքի դեպքում այն կգանցի Ռուսաստանի ԴՀԾ կենտրոնական աշխատակազմը։ Ենթադրվում է, որ ստուգումներին, բացի հարկային աշխատողներից, կմասնակցեն նաև դատական տեսուչները և ՃԵԱՊՏ աշխատակիցներ։
Հարկային ծառայությունից «Իզվեստիային» հաստատել են փաստաթղթի առկայությունը, նշելով, որ չեն դուրս գա իրենց լիազորությունների շրջանակից։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում