Սևանա լճի մաքրման հնարավորությունը ցեոլիտի օգտագործմամբ կքննարկեն հայ գիտնականերն իրենց օտարերկրացի գործընկերների հետ «Երկրաէկոլոգիական մոնիտորինգ և վարչական շրջանների ռիսկերը» թեմայով միջազգային համաժողովի ընթացքում, ասաց գիտաժողովի կազմկոմիտեի անդամ, տեխնիկական գիտությունների թեկնածու Վահան Դավթյանը:
Ցեոլիտը մոտ 20 հանքանյութերի խումբ է, իր քիմիական կազմով կալցիումի, նատրիումի, բարիումի և կալիումի ջրային ալյումոսիլիկատ է:
«Մենք ուսումնասիրել ենք Սևանի ավազանի հիմնական խնդիրները և խնդրի լուծման տեխնիկական մոտեցում ունենք: Մասնավորապես, դա վերաբերում է ջրի մաքրմանը ցեոլիտով, ինչը հրաշալի արդյունք կտա: Արդեն նմանատիպ փորձ ենք իրականացրել այլ ջրերում”,- երեքշաբթի ասաց Դավթյանը գիտաժողովի բացումից առաջ:
Գիտնականն ընդգծեց, որ մաքրման տվյալ մեթոդը լայնորեն կիրառվում է արտասհմանյան բազմաթիվ երկրներում, սակայն Հայաատանում կօգտագործվի առաջին անգամ:
Դավթյանի խոսքով, ցեոլիտի բավականին խոշոր կուտակումներ կան Հայաստանի Լոռու մարզի Նոյեմբերյան և Իջևան քաղաքների մերձակայքում:
Նա նշեց, որ արդեն գտնվել են մարդիկ, ովքեր պատրաստ են իրենց միջոցները ներդնել Սևան լցվող առավել աղտոտված գետերի մաքրման աշխատանքներում:
«Այսօր մեր գիտաժողովին մասնակցում են նմանատիպ խնդիրներով զբաղվող գիտնականներ: Մենք նույնպես որոշակի նախնական պայմանավորվածություններ ունենք նրանց հետ, բայց նրանք ցանկանում են ամեն ինչ իրենց աչքով տեսնել»,- ասաց նա:
Դավթյանն ավելացրեց, որ օտարերկրացի գիտնականներն իրենց հայ գործընկերների հետ մտադիր են այցելել Սևանա լիճ և միասին ուսումնասիրել իրավիճակը:
Համաժողովի կազմկոմիտեի նախագահ, ՀԱՊԿ Ինստիտուտի Ազգային ներկայացուցչության տնօրեն, տեխնիկական գիտությունների թեկնածու Նվեր Թորոսյանն իր հերթին նշեց, որ այսօ Սևանի առաջ ճահճացման խնդիր է կանցնած, լճի ջրերը մաքրման կարիք ունեն:
«Սևանը խմելու ջրի հսկայական աղբյուր է, և լճի վիճակը հետաքրքրում է ոչ միայն Հայաստանին, այլ ողջ միջազգային հանրությանը»,- ընդգծեց նա:
Թորոսյանի խոսքով, համաժողովի ընթացքում Սևանա լճի, ինչպես նաև Հայաստանի բնապահպանական այլ խնդիրների վերաբերյալ կոնկրետ առաջարկներ են ակնկալվում:
Համաժողովին, որը կանցկացվի Երևանում` սեպտեմբերի 27-29-ը, կմասնակցեն մոտ 60 գիտնականներ աշխարհի 17 երկրից, մասնավորապես, Հայաստանից, Ռուսաստանից, ԱՄՆ-ից, Իրանից, Ռումինիայից, Իսրայելից, Իտալիայից, Գերմանիայից, Բելառուսից, Ուկրաինայից, Մոլդավիայից: Կազմակերպիչներն են` ՀԱՊԿ Ինստիտուտը, Հայաստանի Երիտասարդական հիմնադրամը, Հայաստանի պետական ճարտարագիտական համալսարանը և հանրապետության Գեղարքունիքի մարզպետարանը: -0-
